Back اجتماع أوغسبورغ Arabic Аўгсбургскі сойм Byelorussian Dieta d'Augsburg Catalan Augsburský říšský sněm Czech Reichstage zu Augsburg German Δίαιτα του Άουγκσμπουργκ Greek Diet of Augsburg English Dieta de Augsburgo Spanish Augsburgi riigipäevad Estonian Augsburgeko Dieta Basque
La Dieta de Augsburgu ye'l nome col que se conocen les xuntes de la Dieta Imperial o Reichstag del Sacru Imperiu Romanu Xermánicu na ciudá alemana d'Augsburgu.
Hubo munches sesiones, dende l'añu 952 hasta 1582; pero les más importantes fueron les que se celebraron nos años centrales del sieglu XVI, el periodu culminante de la Reforma protestante y les guerres relixoses ente católicos y protestantes.
Tres la Dieta de Worms de 1521, onde l'emperador Carlos V pretendiera acabar con Lutero por aciu l'edictu de Worms, hubo otres xuntes de la Dieta en Núremberg y Speyer (onde la Protesta de los luteranos dio orixe a la denominación "protestante").
Cola sesión de Augsburgu de 1530 intentábase aselar les crecientes tensiones ente católicos y protestantes, que presentaron al emperador la Confessio Augustana ("Confesión de Augsburgu", 25 de xunu de 1530), un documentu central pal luteranismu. Un equipu de teólogos católicos realizó una refutación denomada Confutatio Pontificia (3 d'agostu de 1530), que foi respondida por Melanchton cola Apoloxía de la Confesión de Augsburgu (abril-setiembre de 1531).